مبدأياً ده مش ملخَّص، إحنا هنعيش مع الكتاب وهنفهمه و هنفهم أفكاره بعمق وهنعيش معاه لفترة تسمحلنا إننا فعلاً نستفيد منه ومن الأفكار الكويسة اللي في الكتاب.

فكرة الملخصات اللي في 10 دقايق مثلاً مش هعملها كثير ده لو هعملها في الأساس وده لأن الكاتب بيقضِّي سنتين وثلاثة علشان يألِّف الكتاب ويجمَّع أفكاره وآراءه فعلشان نستفيد بجد محتاجين إننا نقضي معاه وقت طويل حبة بحيث نفهم أفكاره كويس ونستوعبها كويس في دماغنا علشان تبدأ تأثَّر في حياتنا وفي طريقة تفكيرنا.

ده أول سبب من أسباب قلق المكانة للمؤلف آلان دي بوتون و ده ثاني فيديو في الكتاب وإن شاء الله هكمِّل وهعمل باقي الفيديوهات اللي هتتكلم عن باقي الكتاب.